അമ്മ
ഇമയൊന്നു വെട്ടാതെ
ഇളമഞ്ഞു വകയാതെ
ഇരുളിനെ കൂസാതെ
ഇരവിലെന്നെയുംകാത്തിരിക്കുമെന്നമ്മ
ഉണ്ണാതെ കുട്ടനേ
ഊട്ടാന് കൊതിച്ച്
ഉറങ്ങാതെ കാതോര്ത്ത്
ഉണര്ന്നിരിക്കുമെന്നമ്മ
പനിപ്പെട്ട് കിടക്കുമ്പോള്
പാതിരാവോളമെന്നെ
പാര്ത്തുനോറ്റിരിക്കും
പത്തരമറ്റുള്ളോരെന്നമ്മ
കാണാതെ കാണും
കിനാവിന് തീരം
കൈതന്നു നടത്തും
കൈതിരിയാണെന്നമ്മ
ആശതേടിയലഞ്ഞിട്ടു
ആശയറ്റോരൂഴിയില്
നിരാശയില് ഞാന്
ആശ്രയം തേടുംശരണമാണെനിക്കെന്നമ്മ
******************
അകലയാണെങ്കിലും
ആകാരം കണ്ടില്ലേലും
അടങ്ങാത്ത വികാരമാണു
ആനന്ദമാണെനിക്കു നീയമ്മേ
നീലാംബരി പാടി
നീയുറക്കിയ രാത്രികള്
നീങ്ങാതെ മായാതെ
നിറവിലുണ്ടമ്മേ
അമ്മതന് പാട്ടിന്നീണമല്ലോ
മമവീണ ശ്രുതിയായ് മീട്ടിടുന്നു
അമിഞ്ഞതന് താരാട്ടമ്മേ
മാമക ഹൃദന്തത്തിന് താളലയം
ഒരുരുള ചോറുനിന് കൈയ്യാലമ്മേ
ഒരുമ്മ തന്നു നീ നല്കിടേണം
ഒരുമാത്ര പോലും മറക്കാതെ ഞാന്
ഓരത്തു ചായാനോടിയെത്തും
ഒരുവേള നിന് മിഴി നനയാതമ്മേ
ഒരുതരം തരുമോ നിന്നെ നോക്കാന്
ഒരുവേള നിന് മനം കലങ്ങാതമ്മേ
ഒരുതരം തരുമോ നിന്നെ കാക്കാന്
ഒരായിരം ജന്മം നിന് മകളായി ഞാന്
ഒരായിരം ജന്മം ഞാന് ജനിച്ചിടേണം